VOV4.K’ho - Mho òr (02/08), tàm hìu lơh broă Chính phủ, Phó Thủ tướng ồng Vũ Đức Đam, Kuang atbồ Mpồl đơng lam Dà lơgar rơcang sơndră mờ kòp Covid-19 đơng lam dơ̆ pơrjum pờ tơlik tàm internet mờ kuang đơng lam ƀòn dờng Hồ Chí Minh nàng lơh jăt ală broă rơcang sơndră mờ kòp Covid-19.

Jơnau yal tàm pơrjum, Chủ tịch UBND ƀòn dờng Hồ Chí Minh ồng Nguyễn Thành Phong pà gĭt, ƀòn dờng neh lơh jăt nền nòn Chỉ thị sồ 16 bơh Thủ tướng Chính phủ jăt gùng dà broă lơh “loh – nền nòn – kơl jăp – cồng nha”, gàr niam broă lơh ndrờm bal tàm ƀòn dờng, ai tơlĭk loh 7 mpồl cau geh ai lòt tàm gùng bơh 6 jơ mho ngai lài tus 6 jơ drim ngai tơnơ̆. Tàm dơ̆ pơrjum, Phó Thủ tướng ồng Vũ Đức Đam sồr Bộ Y tế pơn jăt tai ai sơnơm vaccine ƀòn dờng Hồ Chí Minh in nàng bañ gơtìp ơm ing broă cĭt. Phó Thủ tướng ồng Vũ Đức Đam sồr ƀòn dờng Hồ Chí Minh geh ală broă lơh pràn kơl dang, pràn rơlao tai nàng gàr tiah tơlir (ờ do ờ dă) tus tiah tơlir tàm jơh ală quận, kơnhoàl. Mpồl đơng lam đơs tờm tus mờ broă cĭt sơnơm vaccine là gơnoar kuơ mờ kơnòl bơh tơl nă cau dê gơwèt mờ bơta pràn kơl dang să jan să tờm mờ mpồl bơtiàn.

Cau mblàng Ndong Brawl