VOV4.K’ho- Mho ngai 09/7, đơng lam pơrjum pờ tơlik tơn tàm internet đah Thường trực Mpồl đơng lam dà lơgar mờ 2 càr Phú Yên mờ Khánh Hoà, ồng Vũ Đức Đam- Phó Thủ tướng Chính phủ, Kuang atbồ Mpồl đơng lam dà lơgar rơcăng sơndră kòp Covid-19 tơngkah 2 càr do in pal lơh jat niam ală jơnau sồr rcang sơndră kòp Covid-19 tàm tiah wàng se kơryan kòp mờ tiah ai ơm yah ngài, jat jơnau đơs wàng se kơryan kòp, ai ơm yah ngài mpồl bơtiàn ờ uă mơya atbồ niam dipal rlau mờ wàng se kơryan kòp uă tiah mơya atbồ ờ pràn.

Tàm 1 poh rềp ndo, ală cau bơtờp kòp tàm ù tiah càr Phú Yên sơlơ gơguh, kờp bal geh bơh 30 tus 40 nă cau kòp. Tŭ do, càr Phú Yên neh ngui broă ai ơm yah ngài mpồl bơtiàn jat Chỉ thị sồ 16 tàm jơh gùt càr. Mờ  rlau 190 nă cau bơtờp kòp Covid-19 neh sền gŏ, càr Khánh Hoà lơh nền ngui broă ai ơm yah ngài mpồl bơtiàn jat Chỉ thị sồ 16 gơwèt mờ ƀòn dờng Nha Trang, thị trấn Ninh Hòa mờ kơnhoàl Vạn Ninh. Tềng đap broă 2 càr Phú Yên mờ Khánh Hoà ngui kơrnoat wàng se kơryan kòp mờ ai ơm yah ngài mpồl bơtiàn jat broă lơh krơi is, Phó Thủ tướng ồng Vũ Đức Đam tơngkah bơta kuơ màng tŭ do là neh wàng se kơryan kòp, ai ơm yah ngài den pal lơh kràñ mờ lơh nền.

Cau mblàng K’Hạnh