VOV4.K’ho – Phó Thủ tướng, ồng Vũ Đức Đam sồr ală bộ, gah lơh broă pal pơn jat tai kờp sền, bơt bơtàu, tam gơl, bơ tơl ală chính sách gàr niam gơnoar kơnòm dềt di mờ jơnau cih bơh Adat kơnòm dềt dê; sơlơ lơh jat ală chính sách neh geh ai tơlik; pơgồp bal geh cồng nha broă broă bơsong ală broă lơh tìs gơnoar kơnòm dềt, gàr niam di tu\, krà` cê, dong kờl niam ngan rlau jơh kơnòm dềt in; tam pà kơnòl broă ai ală anih lơh broă, mpồl lơh broă lơh lài geh kơnòl dờp, bơsong, yal tơnggit tu\ gơlik geh broă lơh tìs gơnoar kơnòm dềt.

Dilah git go\ ală broă lơh aniai tus kơnòm dềt, den làng bol mờ gơp bơyô hòi te\ mơ điện thoại tus Tổng đài điện thoại 111 nàng yal. Tổng đài 111 là sồ điện thoại jal mhar geh kơnòl yal mờ ală cau dùl nă să, anih lơh broă, mpồl lơh broă geh gơ rềng halà geh g noar nàng lùp sền jơnau tơnggit yă bơh sơn rờp. Ală jơnau tơnggit bè kơnòm dềt digơlan gơtìp lơh aniai den geh pơyua mơ tus ală cau dùl nă să, anih lơh broă geh kơnòl sền gàr kơnòm dềt.