VOV4.K’ho- Ồng Vũ Đức Đam- Phó Thủ tướng Chính phủ pa lơh broă mờ Kuang đơng lam bồ quận 6, quận 7, kơnhoàl Bình Chánh, ƀòn dờng Hồ Chí Minh bè broă lơh rcang lơh jat ai ơm yah ngài jat Chỉ thị sồ 16.

           Phó Thủ tướng ồng Vũ Đức Đam tơngkah ƀòn dờng Hồ Chí Minh tàm broă lơh jat Chỉ thị  sồ 16

Bơdìh mờ ală broă mờ Thủ tướng Chính phủ neh lơh nền ngan tàm dơ̆ pơrjum pờ tơlik tơn tàm internet drim ngai 8/7, ồng Vũ Đức Đam tơngkah ƀòn dờng Hồ Chí Minh 4 bơta tàm tơngai lơh jat broă ai ơm yah ngài mpồl bơtiàn jat Chỉ thị sồ 16.

Tàm hơ̆ ƀòn dờng Hồ Chí Minh pal sền gĭt loh làng jơnau kờñ lơh ngan tàm khà uă ngan rlau jơh, pràn ngan rlau jơh nàng tơnơ̆ 15 ngai pal lơh geh ală tiah kòp ờdo ờdă, tiah tơlir kơ̆ kơljap bơh tàm bơta jơh gùt ƀòn dờng tus ală quận, kơnhoàl mờ tus tàm xã, sơnah ƀòn tơn. Kờñ bè hơ̆, ndrờm bè tàm 1 broă lơh, bòn dờng Hồ Chí Minh pal geh “Broă rơndap lơh lơh broă”, nền cê tơl ngai, jơnau kờñ pal geh lơh geh, ală broă mờ gơnoar atbồ, ală anih lơh broă, mpồl lơh broă, mpồl lơh sa kă bro, làng bol pal lơh. Yal loh làng broă rơndap lơh do ai làng bol, mpồl bơtiàn in gĭt mờ lơh jat.

Cau mblàng K’Hạnh