VOV4.K’ho- Mho òr 2/11, tàm Hìu năc Chính phủ dê, Phó Thủ tướng Chính phủ, mơkung là Bộ trưởng Bộ Ngoại giao lơgar Việt Nam, ồng Phạm Bình Minh neh cribơyai broă mờ ồng Vương Nghị Bộ trưởng Bộ Ngoại giao lơgar Lo tàm dơ\ lòt còp ngan ngồn lơgar Việt Nam bơh ngai 2- 4/11/2017.

Bàr gah dùl nùs bal sơlơ geh uă tai ală kơrnoat lơh broă bal đah ală gah lơh broă mờ lơgar ndai, sền gàr dà lơgar, lơngăp lơngai, lơh jat kơrnoat boh lam; Lơh jat ală broă lơh geh kuơ ngan dong kă bro 2 gah bơtàu tơnguh kơ\ kơl jăp, pơnring bal, jo\ jòng sùm; Lơh geh cồng nha ală bơnah priă càn, dong kờl bơh lơgar Lo dê lời ai lơgar Việt Nam in;

Pơn jat tai lơh broă bal uă rlau tai tàm ală broă gùng lòt pơndiang phan, lơh broă sa sươn sre, phan geh is tiah ơm kis, khoa học công nghệ, sơndră wơl mờ tam gơl trồ tiah, sền gàr mờ ngui niam dà ai bơh dà dờng Mekong- Lan Thương, tàm yal tơngi\t bal sră nggal yal tơngi\t lài bè dà ia tàm dà dờng dà croh tiah nhàr lơgar; Pơn jat tai lơh jat niam ală sră nggal kơrnoat boh lam bè tiah nhàr lơgar tàm ù gờl, lơh pờ mờ lơh niam wơl ală yô mpồng nhàr lơgar neh ring bal.

Cau cih mờ yal tơngi\t- Lơ Mu K’Yến