VOV4.K’ho- Phó Thủ tướng Thường trực Chính phủ ồng Trương Hòa Bình bal mờ mpồl kuang bàng bơh Chính phủ dê pa lòt sền broă lơh rơcang sơndră kòp Covid-19 tàm càr Đồng Tháp. Đơs tàm dơ̆ lơh broă, Phó Thủ tướng ồng Trương Hòa Bình tơngkah càr Đồng Tháp geh gùng nhàr rềp mờ lơgar Campuchia, bơta kòl yan bè cau mut tàm lơgar he di mờ adat boh lam, tìs mờ adat boh lam mờ jơnau pơhìn bơtờp kòp tàm lơgar là uă ngan.

Phó Thủ tướng sồr càr Đồng Tháp tơrgùm uă ai broă lơh jat ală jơnau đơng lam bơh Ban Bí thư, Thủ tướng Chính phủ dê, jơnau sồr 5K pơgồp bal mờ sơnơm vaccine, mblàng yal, tơnguh jơnau git wă bơh làng bol dê, lơh glài kràñ ală cau lơh tìs tàm broă rơcang sơndră kòp, ngan là cau lik mờ mut tàm lơgar he tìs mờ adat boh lam. Bañ sền ờ sơp, roh bơta rơcang ngac tàm broă lơh rơcang sơndră kòp bơtờp, lam lơh niam ală broă lơh rơcang sơndră kòp, ngan là tàm ală ngai ơm rlô 30/4, ngai 1/5 kung bè rơcang tus dơ̆ tĕ khà mờr tus.

Cau mblàng K’Duẩn