VOV4.K’ho - Tàm [òn dờng Biên Hoà, càr Đồng Nai, anih lơh broă tơnguh bơtàu dunia lơgar Mỹ (USAID) mờ ling rơndeh par Việt Nam neh mùl màl bơyai sơn đờm lơh rơndăp broă lơh kloh sơnơm khih đioxin tàm [làng rơndeh par Biên Hoà – do là tiah gơbàn sơnơm khih dioxin uă ngan tàm lơgar Việt Nam.

Đơs tàm pơrjum, Phó Thủ tướng Thường trực Chính phủ ồng Trương Hoà Bình tơl^k nùs nhơm chờ hờp tu\ bal mờ Thượng Nghị sĩ lơgar Mỹ ồng Patrick Leahy bal mờ ală Thượng Nghị sĩ tàm mpồl Thượng viện lơgar Mỹ còp lơgar Việt Nam sền broă sơn đờm rơndăp broă lơh kloh sơnơm khih dioxin tàm tiah [làng rơndeh par Biên Hoà tơngai sơnrờp, geh lơh mờ priă ODA bơh lơgar Mỹ mờ priă càn lài bơh kes priă Chính phủ lơgar Việt Nam.

Phó Thủ tướng ồng Trương Hoà Bình đơs do là dùl tàm ală broă lơh kuơ màng kờ` lơh jăt ală tơngu me tàm jơnau yal bơr bal bơh kuang bàng dờng màng lơgar Việt Nam mờ lơgar Mỹ tàm dơ\ tus còp mùl màl lơgar Việt Nam, nam 2017 bơh ồng Donald Trump, kuang atbồ lơgar Mỹ.

Cau mblàng Ndong Brawl