VOV4.K’ho - Mho òr (09/12), tàm hìu lơh broă Ciñ phủ, Phó Thủ tướng Thường trực Ciñ phủ ồng Phạm Ƀìñ Miñ neh đơng lam dơ̆ pơrjum cri bơyai bè rơndăp broă lơh wơl ală dơ̆ par kă bro mờ dunia bơh ngai 15 nhai 12 jăt jơnau dan bơh Ƀộ Giao thông Vận tải.

Ƀộ Giao thông Vận tải dan geh ai 2 tơngai tơrlòng lơh wơl ală dơ̆ par kă bro bè ờs pơn diang năc dunia mŭt tàm lơgar Việt Nam. Phó Thủ tướng Thường trực ồng Phạm Ƀìñ Miñ đơs là, pal rơwah ờ uă lơgar geh bơta ờ do ờ dă uă. Cau năc mŭt tàm lơgar Việt Nam bơh tàm ală dơ̆ par pal di pal mờ kơrnoăt bè broă rơcang sơndră mờ kòp gơtờp; cit tơl 2 ding sơnơm vaccine, ha là neh bời kòp Kovid-19, geh xét nghiệm PCR ờ gŏ mờ kòp tàm tơngai 72 jơ lài mờ tŭ guh đì rơndeh par. Phó Thủ tướng kung sồr mìng geh dùl phần mềm yal broă lơh sơnơm nàng ngui ai cau mŭt tàm lơgar in nàng ai geh bơta ƀuơn tàm broă gròi sền kòp gơtờp.

Cau mblàng Ndong Brawl