VOV4.K’ho- Drim òr 13/5, tàm Hà Nội, ồng Trịnh Đình Dũng, Phó Thủ tướng Chính phủ neh đơng lam pơrjum pờ tơn tàm internet gùt lơgar bè lam lơh jat ală broă lơh rcăng sơndră kòp jê ndul gơjroh sur châu Phi.

Jat jơnau yal bơh Bộ Nông nghiệp mờ Phát triển Nông thôn dê, tus ngai 12/5, kòp jê ndul gơjroh sur châu Phi neh mờ gam lơh bơtờp tàm 29 càr mờ [òn dờng, bal mờ khà sur bơtờp kòp mờ gơtìp tơ\p pơrgu\c là mờr 1 tơlak 300 rbô nơm, tàm hơ\ uă ngan là tàm ală tiah đah tô dà lơgar.

Tàm tu\ kòp gơbàn kal ke mờ digơlan pơhìn pơn jat tai lơh bơtờp uă ngan tàm tơngai tus, den tàm bàr pe tiah kung gam sơl jơnau geh ngan sền ờ sơ\p ờ go\ rcăng ngac mờ kòp.

Đơs tàm dơ\ pơrjum, ồng Trịnh Đình Dũng sồr ală tiah pal mu\t lơh broă dùl bă krà` cê jơh nùs, sơrbac mhar bơsong jơnau sền ờ sơ\p ờ rcăng ngac kòp tàm tu\ rơcang sơndră kòp jê ndul gơjroh sur châu Phi.

Ală bộ, gah lơh broă dà lơgar, kuang bàng tàm Mpồl đơng lam crơng gơs mhar ală Mpồl kuang bàng lòt lơh broă tus ală tiah nàng lòt sền, sồr lơh niam broă bơyai lơh rcăng sơndră kòp jat di jơnau sồr bơh Adat lơh sơnơm phan ròng, jơnau sồr bơh Chính phủ, Thủ tướng Chính phủ dê.

Cau mblàng Lơ Mu K’Yến