VOV4.K’ho- “ Quân khu 5 pal la anih kơldìng kơ\ kơl jap ai gơnoar atbồ mờ làng bol tàm ù tiah, tam klăc poac sa\ mờ làng bol. Hơ\ là jơnau tờm ngan bơh bơta pràn”. Hơ\ là jơnau đơng lam bơh Phó Thủ tướng Chính phủ ồng Trương Hoà Bình tàm dơ\ lòt còp mờ lơh broă mờ Bộ Tư lệnh Quân khu 5 tàm drim òr, 5/9. Do là dùl tàm ală jơnau kờ` sùm mờ mpồl ling phàu crong Quân khu 5 lơh jat tàm rlau 70 nam bơt bơtàu mờ dờng pràn.

Phó Thủ tướng cih dờp mờ đơs niam ală bơta lơh ngan mờ cồng nha lơh geh bơh mpồl ling phàu crong Quân khu 5 dê tàm tơngai pa do; mơkung sồr ală kuang bàng, sĩ quan, cau ling Quân khu 5 pơn jat tai pơgồp niam mờ ală kấp ủy Đảng, gơnoar atbồ ală tiah, bơta bơtàu, lơh ngan sền gàr dà lơgar gùt làng bol kơ\ kơl jap tàm tơngai pa; pơgồp bơnah lơh geh lơngap lơngai, kơ\ kơl jap chính trị mờ bơtàu tơnguh lơh sa- mpồl bơtìan.

Cau mblàng K’ Hạnh