VOV4.K’ho – Drim òr 27/2, Phó Thủ tướng Vũ Đức Đam tus còp mờ lơh broă mờ kuang bàng, cau ai tơnggit jơnau đơs, cau cih gơs jơnau đơs bơh anih lơh broă jơnau đơs Việt Nam, Anih sơn io rùp kỹ thuật số VTC. Phó Thủ tướng đơs tờm, tơngai lài, Anih lơh broă jơnau đơs Việt Nam neh lơh niam kơnòl chính trị, pơ gồp bơnah uă ngan bal mờ Chính phủ yal gùng dà, broă lơh, adat boh lam bơh dà lơgar dê, mơkung là rbàng tơrbo\ ngan ngồn đah Chính phủ mờ làng bol. Kuơ màng, anih jơnau đơs Việt Nam neh tơr gùm bơcri geh cồng nha, lơh geh uă bơta tam gơl pa tus mờ gah niam chài, mpồl bơtiàn. Mờ broă dờp anih sơn io rùp kỹ thuật số VTC, mơkung jàu gah sơn io rùp Quốc hội rê hờ Văn phòng Quốc hội kung là broă lơh pa bơh anih jơnau đơs Việt Nam dê. Phó Thủ tướng kơp kờ` anih jơnau đơs Việt Nam pơn jat tai brồ guh là Tập đoàn truyền thông đa phương tiện pràn kơldang tơnơ\ tàm jàu. Bal mờ hơ\, lơh ngan, bơceh pa jat di mờ bơta tam gơl pa bơh dunia dê.