VOV4.K’ho- Ngai òr (14/3), tàm Hìu duh broă Chính phủ dê, ồng Vương Đình Huệ, Phó Thủ tướng Chính phủ mơkung là Kuang atbồ Mpồl đơng lam bè lơh tam gơl broă lơh priă nhai, bảo hiểm xã hội mờ dong kờl cau geh màng mờ dà lơgar neh đơng lam dơ\ pơrjum bơh Mpồl đơng lam do dê nàng kờp sền, sồr mhar lơh jat ală kơnòl broă lơh jat Nghị quyết khà 27 bè tam gơl broă lơh priă nhai bơh nam 2021.

Phó Thủ tướng đơs sùm, kơnòl broă tờm nàng mu\t lơh tam gơl broă lơh priă nhai là mhar lơh gơs, jun yal mờ kấp geh gơnoar in sền swì Rơndăp broă lơh anih broă lơh tàm nam do, jat tàm bơta pal jat tơnguh uă cồng nha lơh broă bơh mpồl kuang bàng dê gơ jat bal mờ tơrmù biên chế.

Phó Thủ tướng sồr tàm nam do mờ nam 2020, ală bộ, gah lơh broă dà lơgar mờ ală tiah pal rcăng lài tơngume kơrnoat boh lam nàng lơh tam gơl, tàm hơ\, kuơmàng ngan rlau jơh là bơ\t bơtàu mờ sền swì ki\ Rơndăp broă lơh anih broă lơh, gơnoar broă broă lơh kuang bàng đơng lam bồ tàm ală anih lơh broă, mpồl phàu crong, jat tàm nùs nhơm pal rơndăp lơh wơl priă nhai đơs bal mờ ală priă nhai bơh ală gơnoar broă ndrờm bal dê tàm ală anih lơh broă chính trị mờ kờp du\ tam gơl priă nhai lài do tus priă nhai pa.

Cau mblàng Lơ Mu K’Yến