VOV4.K’ho – Dờp jơnau jà bơh Chủ tịch đơng lam WEF, ồng Borge Brende, Phó Thủ tướng Vương Đình Huệ neh lòt pơrjum pah nam WEF tàm Davos, lơgar Thuỵ Sĩ mờ còp ngan ngồn lơgar Bồ Đào Nha jat jơnau jà bơh Chính phủ Bồ Đào Nha dê. Mờ tơngume “Bơt bơtàu rơnàng tơnơ\ do bal tàm dunia gơtìp tam cah is”, Pơrjum Davos dơ\ 48 là tu\ nàng ală kuang bàng tus bal pơrjum jòi broă lơh đơs tờm wơl bơta lơh broă bal dunia tài ală bơta kuơ bal dờng màng bè sền gàr ngap lơngai dunia, tiah ơm kis mờ lơh sa gùt plai ù.

Bơh pơrjum Davos 2018, Chính phủ Việt Nam pơn jat tai đơs tờm gùng dà broă lơh ờ tam gơl bè mut gơ rờm bal lơh sa jrô ơnàng; hòi jà ală lơgar sơmbat tê bal, ờ lời lơh sa dunia gơlik geh ală bơta tam cah is pa, mơkung lơh niam wơl ală bơta tam cah is tài ală bơta ờ niam bè ù tiah, chính trị mờ rơndap broă dong kờl cribơyai kă bro lơh gơbàn tàm tơngai lài. Bal mờ hơ\, Việt Nam kung kơp kờ` yal tơnggit gơnoar mut lơh Cribơyai lơh sa WEF tiah ASEAN, rơcang bơyai lơh tàm nhai 9 nam 2018 tàm Hà Nội.