VOV4.K’ho- Drim òr 12/2, tàm Hà Nội, ồng Nguyễn Xuân Phúc, Thủ tướng Chính phủ neh jàu Quyết định pồ ồng Nguyễn Hoàng Anh, lài do là Bí thư Tỉnh ủy Cao Bằng lơh Chủ tịch Ủy ban atbồ priă dà lơgar tàm mpồl lơh sa kă bro.

Gah mpồl lơh sa kă bro tu\ do geh jơh ală priă mờ phan bơna pơgăp 5 tơmàn 400 tơlak dolar Mỹ. Đơs tàm dơ\ bơyai lơh, ồng Nguyễn Xuân Phúc chờ hờp ồng Nguyễn Hoàng Anh geh Đảng, Dà lơgar pin dờn jàu kơnòl broă atbồ anih lơh broă atbồ priă jền dà lơgar, dùl anih lơh broă geh gơnoar broă kuơmàng.

Thủ tướng đơs loh, kuang bàng đơng lam bồ tàm anih lơh broă do, kuơmàng là Chủ tịch pal lơh niam kơnòl broă dan mờ Chính phủ mờ Thủ tướng bè ală gùng dà broă lơh, kơrnoat boh lam nàng lơh bè lơi atbồ bơcri priă, lơh sa kă bro geh cồng nha ngan rlau jơh ală bơnah priă mờ phan bơna dà lơgar dê tàm mpồl lơh sa kă bro.

Cau mblàng mờ yal tơngi\t- Lơ Mu K’Yến