VOV4.K’ho - Poh phan lơh sa suơn sre mờ yal  tơnggit mat sơnđan ‘’Dà Làc- Bơta gơ tha kuơ bơh ù tiah niam’’  gam geh lơh tàm Trung tâm mut lơh bơcri, ka\ bro mờ nhơl chờ [òn dờng Hà Nội mờ bơta tus bal bơh 12 mpồl lơh sa ka\ bro pơnrơ ngan  bơh càr Lâm Đồng.

Poh phan lơh geh bơh  suơn sre Dà Làc nàng tơngguh git wa\ bơh làng bol càr lơgar ngui phan bơh phan lơh geh suơn sre niam ngan, ờ do ờ da\, git loh anih  lơh gơs, mơ kung dong cau ngui đal git, jòi wa\ mờ geh  ngui ala\ phan  tơl khà niam, geh bơnga\ bơh Lâm Đồng. Bơh hơ\ geh yal tơnggit mat sơnđan ‘’ Dà Làc-Bơta gơ tha  kuơ bơh ù  tiah niam’ tus ala\  càr  đah tô dà lơgar, dong yal ai git, yal tơnggit ala\ phan  bơh suơn sre niam, ngan  bơh càr Lâm Đồng tus ala\ mpồl lơh sa ka\ bro lơh  geh, tam pà mờ cau ngui  gơtùi đal git mờ tam tơrbo\ bal ka\ bro. Poh  phan lơh sa suơn sre Dà Làc tàm  Hà Nội  geh lơh tus jơh ngai do 31/10.

Cau mblàng K’ Brọp