VOV4.K’ho - Thủ tướng Chính phủ jào Bộ Công thương in pơn jăt tai đơng lam lơh jăt broă sền wơl rơndăp broă ai lơh hìu măy pờ tơl^k ồs đèng tàm ală càr Tây Nguyên jăt jơnau sồr tàm Công điện sồ 391.

Mờ pơn jăt tai sền wơl broă ai rơndăp broă ù tiah lơh hìu măy pờ tơl^k ồs đèng tàm ală càr ndai jăt mờ Nghị quyết sồ 62 bơh Quốc hội dê.

Thủ tướng Chính phủ jào Bộ Tài nguyên mờ Môi trường bal mờ Bộ Công thương tàm gơnoar geh, pơn jăt tai sền wơl, đơng lam lơh gơs ală broă lơh pơgồp bal tơnao dà, gàr cồng nha ngui dà drơng tàm broă pờ tơl^k ồs đèng, ndrờm bal dà geh hòr sùm tàm dà dờng, di pal mờ broă ngui dà tàm tiah đah jum tàm kàl prang, kung bè tơmù dà tih, tơmù ală broă gơrềng ờ niam tàm kàl mìu dà tih dà cò.

UBND ală càr Tây Nguyên pơn jăt tai ơm ing ai sră bơcri priă lơh ală rơndăp broă lơh hìu măy pờ tơl^k ồs đèng geh ngui ù brê hòn is ha là geh rềng ờ niam tus mờ tiah kis brê, yal mờ Thủ tướng Chính phủ ală broă rơlao mờ gơnoar geh ai.

Cau cih mờ yal tơng^t Ndong Brawl