VOV4.K’ho- Drim òr (08/09), tàm Hìu Quốc hội, geh bơyai lơh pơrjum bơsram, lơh jăt broă lơh, lơh broă bơh Đảng đoàn Quốc hội lơh jăt Nghị quyết pơrjum dờng cau ala măt gùt lơgar dơ̆ 13 Đảng dê mờ broă lơh, lơh broă bơh Đảng ủy anih lơh broă Văn phòng Quốc hội lơh jăt Nghị quyết pơrjum dờng cau ala măt gùt lơgar dơ̆ 13 Đảng dê.

                                             Phó Chủ tịch Thường trực Quốc hội ồng Trần Thanh Mẫn

Ủy viên Bộ Chính trị, Phó Chủ tịch Thường trực Quốc hội ồng Trần Thanh Mẫn tus pơrjum. Đơs tàm pơrjum, ồng Trần Thanh Mẫn sồr pơn jăt tai tam gơl pa broă bơyai lơh mờ lơh broă bơh Quốc hội; tam gơl pa gùng dà broă lơh, tơnguh bơta niam, cồng nha lơh broă, tơnguh broă lơh tờm, tơnguh nùs nhơm lơh broă tờm tàm broă lơh jăt ală gơnoar lơh adăt boh lam, sền gròi, ai tơlik ală bơta kuơ màng bơh dà lơgar dê. Ală mpồl đảng, ală cấp ủy gơwèt bal, lơh jăt broă lơh neh geh lơh lài bè lơi nàng di pal mờ kơnòl chính trị mờ bơta geh mùl màl bơh tơl mpồl đảng, anih lơh broă, mpồl lơh broă mờ broă lơh ngan chính trị uă, tam klăc bal, bơceh lơh, sơrlèt mờ kal ke nàng lơh gơs niam kơnòl geh jào.

Cau mblàng Ndong Brawl