VOV4.K’ho- Lơh jat nùs nhơm broă lơh mờ ơnà jak Cau ling wa Hồ dê tàm rài lơngap lơngai, cau ling yau Nguyễn Văn Nạp, ơm thôn 6, xã Trúc Sơn, kơnhoàl Cư Jut, càr Dak Nông neh tơngo\ broă lơh niam bơne\ là pà is ù, dong [òn lơgar lơh gùng lòt tàm [òn.

Nam 1996, ồng Nguyễn Văn Nạp, [òn tờm ơm tàm xã Bắc Sơn, kơnhoàl Hưng Hà, càr Thái Bình bal mờ hìu bơnhă mut ơm tàm thôn 6, xã Trúc Sơn, kơnhoàl Cư Jut, càr Dak Nông nàng ơm kis lơh broă sa. Lài do, gùng mut tàm thôn 6, xã Trúc Sơn dềt hat hal ngan, sùm mbè bơ\ tàm kàl mìu lơh broă lòt rê mờ pơndiang phan lơh bơh suơn sre làng bol dê gơtìp kal ke uă ngan. Mơya tàm pơgap 1 nam do, gùng lòt do neh lơh mờ bê tông mờ geh dùl bơnah tă pơgồp bơh hìu bơnhă cau ling yau Nguyễn Văn Nạp dê.

Nàng lơh gơs gùng kờ` pal ai dùl bơnah ù sươn, tàm hơ\ hìu bơnhă ồng Nguyễn Văn Nạp gơbàn aniai uă ngan. Tu\ sền go\ gùng lòt gơtìp gơkòl,  làng lòt lòt rê kal ke, ồng Nạp ờ kơ lôi sơnơng lơi mờ ai tơn mờr 1 sào ù suơn mờ 120 tờm kơphe, 1 tơnau ròng ka mờ khà priă kờp pơgap di 80 tơlak. Ồng Nguyễn Văn Nạp đơs:

 “ Hìu bơnhă neh ring bal mờ oh kòn a` kung dùl nùs ring bal sơl nàng ai dùl bơnah ù do, bulah geh hoàc huơr tàm hìu bơnhă mơya dong làng bol  bơtàu tơnguh lơh sa”.

Bơh bơta pơnrơ jak mờ lam lài bơh hìu bơnhă ồng Nguyễn Văn Nạp dê neh lơh geh bơta pràn pa tàm srơh tàm pơrlòng sơm bat tê bal bơt bơtàu [òn lơgar pa tàm tiah do dê. Ală hìu bơnhă geh gơl gùng lòt gan ndrờm ring bal tàm broă ai is ù, kung bè tă pơgồp priă jền nàng lơh gùng do. Ồ Trương Triệu Bảo, ơm tàm thôn 6, xã Trúc Sơn, kơnhoàl Cư Jut, càr Dak Nông, pà g^t:

“ Oh mi làng bol tàm [òn go\ ồng Nguyễn Văn Nạp pà is ù den bol a` kung ai is ù  sơl nàng lơh gơs gùng niam mờ kloh ai làng bon in lòt rê. Bơh tu\ gùng geh lơh gơs den geh uă bơta tam gơl pa, hìu bơnhă kung kloh niam”

Gơl gùng [òn lơgar pa tàm thôn 6, xã Trúc Sơn

Gùng lòt tàm thôn 6 lơh jat broă lơh dà lơgar mờ làng bol lơh bal, mờ jòng 700 thơk, ơnàng 3 thơk. Kờp jơh priă lơh gùng mờr 600 tơlak pria\, tàm hơ\ làng bol tă pơgồp 113 tơlak priă, gam wơl là priă dà lơgar dong kờl. Ồng Nguyễn Hồng Đức, Kuang atbồ thôn 6, xã Trúc Sơn, kơnhoàl Cư Jut, pà g^t:

 “ Tàm broă ai is ù  bơh hìu bơnhă ồng Nguyễn Văn Nạp dê là bơta sơnđờm lam thôn 6 bol a` dê,  broă ai is ù lơh gùng bơh hìu bơnhă  wa Nạp kung geh dùl bơnah ù uă, tơnơ\ hơ\ bol a` hòi jà hìu bơnhă  ndai buơn rlau. Mờ ală broă lơh ngan ngồn tàm broă bơt bơtàu [òn lơgar pa bol a` neh hòi jà mờ tàm ală dơ\ pơrjum bol a` kung đơs uă bè broă do den làng bol kung wă ngan sơl”.

 Tus tu\ do xã Trúc Sơn neh lơh gơs 11 tàm khà 19 broă lơh bơt bơtàu [òn lơgar pa. Ai g^t broă bơt bơtàu [òn lơgar pa là kơnòl broă jo\ jòng, den mờr tus do cấp ủy, gơnoar atbồ geh rề ơnàng ală broă lơh pơnrơ jak tàm hơ\ geh bơta pơnrơ jak lam lài bơh ồng Nguyễn Văn Nạp dê nàng làng bol in lơh jat. Mò Lương Thị Thanh Thủy, Chủ tịch UBMT dà lơgar Việt Nam xã Trúc Sơn, kơnhoàl Cư Jut, càr Dak Nông, pà g^t:

 “ Nam 2018 do xã neh cih mat jơnau kơ` lơh jơh broă lơh bơt bơtàu [òn lơgar pa  tàm 19 broă lơh dà lơgar, xã kung neh lơh rơndap broă lơh ngan ngồn mờ lồi nam geh lơh tơl broă lơh [òn lơgar pa bè lơi, mờ kuơ màng ngan rlau jơh kung gam là broă lơh mblàng yal mờ lam sồr làng bol. Nàng làng bol in rề ơnàng broă lơh do, lồi nam 2017, UBMT dà lơgar Việt Nam pơgồp bal mờ UBND xã lơh dơ\ jờng rơ ală cau dùl nă să in geh cồng nha jak tàm broă pà is ù, ai pà is phan bơna tàm ù nàng lơh gùng lòt [òn lơgar pa.

Muh mat [òn lơgar xã Trúc Sơn, kơnhoàl Cư Jut neh geh bơta tam gơl loh làng. Ală phan bơna dà lơgar ngai sơlơ lơh gơs, rài kis làng bol dê ngai sơlơ bơtàu tơnguh jơnhua. Bơta tam gơl do geh bơta tă pơgồp bal nùs nhơm bơh uă cau dùl nă să is, tàm hơ\ geh pơn rơ jak bơh cau ling yau Nguyễn Văn Nạp dê.

Cau mblàng K’ Hạnh