VOV4.K’ho- Pơrjum ală Bộ trưởng Ngoại giao- Lơh sa APEC dơ̆ 32 (AMM 32) pa geh lơh tàm tŭ 6 jơ mang ngai 08/11 (jat jơ Việt Nam) mờ bơta tus bal bơh 21 lơgar geh jơng tàm mpồl APEC, mpồl duh broă pơlam kă bro APEC (ABAC), Mpồl ală lơgar Đông Nam Á (ASEAN), Mpồl duh broă lơh broă bal lơh sa Thái Bình Dương (PECC), Cribơyai ală bồt Thái Bình Dương (PIF), Mpồl kă bro dunia (WTO), mờ mpồl kuang gơnoar cih Công ước bơh Liên hợp quốc dê bè tam gơl trồ tiah (UNFCCC).

Tàm tŭ tơngai kòp Covid-19 pơn jat tai bơtờp uă, gơ rềng uă ngan mờ gơ rềng làm uă tàm gùt plai ù mờ lơh gơbàn ală jơnau gơ lời wơl ờ hềt geh bơh lài tus tŭ do ai jơh ală rài lơh sa in, nam do, pơrjum AMM pơn jat tai geh bơyai lơh jat broă lơh pờ tơn tàm internet, tàm 2 ngai, ngai 08 mờ 09/11/2021. Pơrjum geh tam pà gơs 2 dơ̆ lơh broă. Dơ̆ lơh broă dơ̆ 1 geh lơh tàm ngai 08/11, tơrgùm cribơyai bè broă tơnguh mhar bơtàu tơnguh wơl lơh sa bơh ală broă lơh halà jơnau bơceh pa kă bro.

Cau mblàng K’Duẩn