VOV4.K’ho – Ngai do (20/1), Pơrjum APPF 26 pơn jat tai ngai pơrjum bal dơ\ 2 mờ 2 dơ\ pơrjum dờng bè tam klac bal tàm tiah châu Á – Thái Bình Dương mờ ală bơta bơh APPF dê. Tàm ngai òr, pơrjum neh pơrjum 2 dơ\ bal bè ală bơta sền gàr ngap lơngai chính trị mờ lơh sa, kă  bro. Ală kuang bàng tơr gùm cribơyai tơngume chồl pràn lơh broă bal mờ lơgar ndai nghị viện tài ngap lơngai, ring lơngai, pas sơm tàm tiah do mờ tàm dunia; rơcang sơndră bol sò tơm iơh bơsak dunia; cau tìs gan uă lơgar.

Bè tơngume tam klac lơh sa tàm tiah châu Á – Thái Bình Dương, ală kuang bàng tam pà ală broă lơh bơh Nghị viện dê mờ tă pơ gồp tàm broă lơh ngan bơh tiah do dê, wèt tus rề ơnàng tam klac kă bro, bơcri priă mờ bơtàu tơnguh kơ\ kơljap, gùt dar  broă lơh cribơyai bơh Pơrjum kuang bàng dờng màng APEC nam 2017 dê. Geh 27 jơnau cribơyai bè ală bơta sền gròi bal bơh tiah do dê jat nùs nhơm song dơpă bè 3 bơta: chul chồl tam klac bal lơh sa jrô ơnàng mờ tơl làm; gàr tơl phan sa; dong kờl Mpồl lơh sa kă bro dềt ngan, dềt mờ dimơ.

Pơrjum bal lồi dut geh lơh mho do 20/1, cribơyai bè broă sơlơ tam klac mờ ală bơta chul chồl git gơp lơh broă bal tài bơtàu tơnguh kơ\ kơljap mờ bơtàu tơnguh ai tiah châu Á – Thái Bình Dương in… Lồi mho do, pơrjum APPF 26 tơn jơh.