VOV4.K’ho- Mờ tơngume “Tơnguh bơngă phan lơh geh bơh sươn sre Việt Nam dê mŭt gơrờm bal mờ dunia” ngai do (08/10) tàm Hà Nội, Bộ Nông nghiệp mờ Phát triển Nông thôn bơyai lơh Pơrjum pờ tơn tàm internet “Cau tam klăc lơh broă bal Bơtàu tơnguh lơh broă sa suơn sre kơ̆ kơl jăp jŏ jòng Việt Nam (PSAV)”. Pơrjum là tŭ nàng ală cau tam klăc lơh broă bal “Dà lơgar mờ Làng bol” bơh gah lơh broă sa suơn sre dê bal mờ gơ̆p sền wơl tŭ tơngai 10 nam lơh broă mờ bơtàu tơnguh bơh “Cau tam klăc lơh broă bal bơtàu tơnguh kơ̆ kơl jăp jŏ jòng Việt Nam”.

Bơh hơ̆ yal tơngĭt ală cồng nha lơh geh kung bè ală jơnau bơsram mờng chài nàng pơn jăt tai lơh ngan sơlơ tơnguh geh cồng nha lơh broă bal đah Dà lơgar mờ Làng bol tàm broă lơh bơtàu tơnguh lơh broă sa sươn sre, ƀòn lơgar kơ̆ kơl jăp jŏ jòng. Do kung là tŭ nàng ală cau tàm mpồl bal mờ gơ̆p hơ pơrgon tơnguh gơhòi gơ jà bơcri priă bơtàu tơnguh gah lơh broă sa sươn sre Việt Nam kơ̆ kơl jăp jŏ jòng, sơrlèt gan ală bơta lòng bơh dơ̆ tung lơtăng lơh sa- mpồl bơtiàn dê tài bơh kòp dờng Covid-19 lơh aniai.

Cau mblàng Lơ Mu K’Yến