VOV4.K’ho- Mho ngai 16/1, tàm Hà Nội, UBND càr Kon Tum pơgồp bal mờ Bảo tàng Jơnau kah yau dà lơgar bơyai lơh pơrjum báo ràng tơlik “Phan lời wơl niam chài, kơnuh sơnơm Ngọc Linh Kon Tum- Phan kuơmàng brê bơnơm dờng ơning ơnàng dê”.

Ràng tơlik “Phan lời wơl niam chài, kơnuh sơnơm Ngọc Linh Kon Tum- Phan kuơmàng brê bơnơm dờng ơning ơnàng dê” geh lơh tàm Bảo tàng jơnau kah yau dà lơgar tàm tơngai 1 nam (20/1/2019- 20/12/2019) bal mờ rlau 200 bơta phan, sră nggal, rùp hin bè niam chài bơh làng bol ală kòn cau kis tàm tiah đah tô Tây Nguyên mờ kơnuh sơnơm Ngọc Linh Kon Tum. Ràng tơlik tàm hơ\ geh 2 bơnah.

Bơnah 1 bè phan lời wơl niam chài pơnrơ càr Kon Tum. Bơnah 2 tàm hơ\ geh kơnuh sơnơm Ngọc Linh- “Phan kuơ dà lơgar bơh Việt Nam dê”, ràng tơlik ală sră nggal, phan bơna, rùp hin tơngo\ wơl ù tiah kis gơs bơh kơnuh sơnơm Ngọc Linh dê; broă kơlôi sơnơng, prăp gàr, lơh bơtờp sơntìl mờ bơtàu tơnguh bă ù tam kơnuh sơnơm Ngọc Linh tềng hơđơm m[ur chi brê; bơta kuơ dờng màng mờ lơh mat kă bro phan dà lơgar ai kơnuh sơnơm Ngọc Linh in gơlòt tus tàm drà kă bro dunia.

Cau mblàng Lơ Mu K’Yến