VOV4. K’ho- Mho òr 8/5, tàm Hà Nội geh lơh dơ\ pơrjum báo yal tơngi\t cribơyai jak chài kấp dà lơgar Gùng Trường Sơn- Gùng Hồ Chí Minh. Broă do bơh Bộ Quốc phòng pơgồp bal mờ Ban Tuyên giáo dà lơgar, Tỉnh ủy Dăk Nông bơyai lơh. Cribơyai là dùl tàm ală broă lơh geh kuơ ngan ngồn wèt tus tơngkah kir sơnrai 60 nam Ngai lơh gùng Hồ Chí Minh- Ngai crơng gơs Mpồl ling Trường Sơn  (19/05/1959 – 19/05/2019).

Cribơyai jak chài geh lơh tàm ngai 14/5 do tàm càr Dăk Nông mờ bơta tus bal cribơyai bơh kuang đơng lam bồ ală bộ, gah sơnah lơh broă dà lơgar dê; ală cau jak tàm dơlam mờ bơdìh mpồl ling.

Cribơyai nàng kờ` đơs nền mờ lơh loh kơrnoat dipal, àng sơrdah ngan bơh Đảng mờ Chủ tịch Hồ Chí Minh dê tàm tu\ đơng lam, sồr lơh gùng kuơmàng dong kờl kòn bơnus mờ phan bơna bơh [òn lơgar tiah đah tô dà lơgar ai tiah tam lơh đah jum dà lơgar in; Jờng rơ, kah rơngal wơl dà kơlhề, broă lơh tă pơgồp bơh ling klàng mờ làng bol he dê, ngan là ală dà kơlhề tam lơh, tă pơgồp dờng ngan bơh Mpồl ling Trường Sơn dê tàm dơ\ tam lơh mờ bol sò tơm Mỹ, dong klàs dà lơgar, tơngklàs tiah đah jum, tơrgùm dùl dà lơgar.

Cau mblàng Lơ Mu K’Yến