VOV4.K’ho- Tàm Hà Nội, Pơrjum Bộ trưởng Cau ùr ASEAN dơ\ 3 (AMMW-3) neh ngan ngồn sơn đờm mut pơrjum. Pơrjum geh bơta tus bal bơh Thủ tướng Chính phủ ồng Nguyễn Xuân Phúc; Tiến sỹ Wan Azizah - Phó Thủ tướng lơgar Malaysia ; 7 Bộ trưởng mờ 2 Thứ trưởng bơh ală lơgar geh jơng tàm mpồl ASEAN; kuang đơng lam bồ mờ ala mat ală anih lơh broă Liên hợp quốc, mpồl dunia mờ tàm tiah do.

Pơrjum Bộ trưởng Cau ùr ASEAN dơ\ 3 geh bơyai lơh tàm tu\ ală jơnau hơ pơrgon, jơnau lam lơh lài bơh mpồl ASEAN dê tàm gah sền gàr tơl niam rài kis mpồl bơtìan, cau ùr mờ ring bal cau ùr mờ cau klau ngai sơlơ geh sền gròi mờ geh lơh pràn. Sơlơ tơnguh rlau tai broă sền gàr tơl niam rài kis mpồl bơtìan ai cau ùr mờ kơnòm dềt ùr in là dùl tàm ală broă lơh lam lài tàm tơngume lơh broă bal mpồl ASEAN bè cau ùr tàm tơngai tus.

Đơs tàm dơ\ pơrjum, Thủ tướng Chính phủ ồng Nguyễn Xuân Phúc neh jờng rơ uă ngan bơta lơh broă bal tàm Mpồl bơtìan niam chài rơgơl- Mpồl ASEAN, mờ broă lơh Pơrjum Bộ trưởng cau ùr ASEAN tă pơgồp gơnoar broă kuơ màng ngan. Thủ tướng Nguyễn Xuân Phúc sồr 3 tơngume lơh broă bal bơh mpồl ASEAN dê tàm tơngai tus bè broă cau ùr mờ kơnòm dềt ùr in .

Cau mblàng K’ Hạnh