VOV4.K’ho - Mho òr (14/5), pơrjum pờ tơl^k tơn tàm internet Bộ trưởng Lao động ASEAN kuơ màng rơcang sơndră mờ bơta gơrềng bơh kòp Covid-19 gơwèt mờ cau lơh broă bal mờ broă lơh neh geh bơyai lơh mờ broă tus bal bơh ală lơgar tàm mpồl ASEAN.

Bộ trưởng Lao động Thương binh mờ Xã hội ồng Đào Ngọc Dung tus bal pơrjum tàm anih pờ tơl^k tơn tàm Hà Nội. Tàm pơrjum, mờ broă ring bal mờ jơnau hơ uă bơh ală lơgar, Jơnau yal bơr bal bơh ală Bộ trưởng Lao động mpồl ASEAN bè broă rơcang sơndră mờ bơta gơrềng bơh kòp Covid-19 neh geh ring bal.

Tơngu me jơnau yal bơr tơl^k geh broă rơcang sơndră di tu\ bơh ală lơgar tàm mpồl tàm broă bơsong ală broă gơrềng aniai bơh kòp Covid-19 gơwèt mờ gah lơh broă bal mờ broă lơh, mờ dờp ală broă lơh ngan gam geh lơh tàm tơl lơgar tàm mpồl kờ` dong kờl cau lơh broă gơtìp aniai bơh kòp Covid-19.

Ală lơgar tàm mpồl neh đơs niam uă cồng nha broă lơh bal mờ Mpồl lơh broă dunia tàm tơngai do, kuơ màng bè ală jơnau yal lài tàm gah lơh broă, broă lơh mờ kơ\p kờ` pơn jăt tai tơnguh broă lơh bal mờ Mpồl lơh broă dunia tàm tơngai tus.

Cau mblàng Ndong Brawl