VOV4.K’ho- Ngai òr (06/9), tàm càr Kon Tum, ồng Nguyễn Xuân Phúc, Thủ tướng Chính phủ tus bal Pơrjum bơcri priă bơtàu tơnguh kơnuh sơnơm Ngọc Linh Kon Tum mờ ală tờm chi lơh sơnơm ndai.

Ồng Nguyễn Xuân Phúc, Thủ tướng Chính phủ tus bal Pơrjum bơcri priă bơtàu tơnguh kơnuh sơnơm Ngọc Linh Kon Tum mờ ală tờm chi lơh sơnơm ndai

Pơrjum geh bơta tus bal bơh rlau 300 nă cau ala mat là kuang đơng lam bồ ală bộ, gah sơnah lơh broă dà lơgar; ală cau atbồ, cau jak, mpồl lơh sa kă bro tàm lơgar mờ bơdìh lơgar. Ală kuang bàng geh cribơyai bè bơta geh ngan, bơta pràn, pơlam gùng dà, broă dong kờl bơtàu tơnguh kơnuh sơnơm Ngọc Linh mờ ală tờm chi lơh sơnơm ndai.

Do kung là tu\ nàng càr Kon Tum yal tơngi\t mờ gơ\p bơyô tàm lơgar mờ bơdìh lơgar bàr pe bơta chi lơh sơnơm bơh càr dê, kuơmàng là kơnuh sơnơm Ngọc Linh, tờm chi geh kuơ ngan mờ ồng Nguyễn Xuân Phúc, Thủ tướng Chính phủ sền là phan kuơ dà lơgar dê.

Lài hơ\ tàm ngai 5/9, Thủ tướng Chính phủ tus bal mờ koh biài ai ngui Trung tâm Dà lơgar kơlôi sơnơng mờ bơtàu tơnguh kơnuh sơnơm Ngọc Linh tàm kơnhoàl Đăk Tô. Thủ tướng kơ\p kờ`, Trung tâm geh lơh jat niam gơnoar broă kuơmàng, lam bồ lài tàm broă tơnguh uă cồng nha sền gàr jơi sơntìl kơnuh sơnơm Ngọc Linh; lơh geh bơnàng jă nàng bơtàu tơnguh mau kă bro dà lơgar ai phan bơna kơnuh sơnơm Ngọc Linh Kon Tum in.

Cau mblàng Lơ Mu K’Yến