VOV4.K’ho – Drim òr (23/4), tàm [òn dờng Hải Phòng, Ban Nội chính dà lơgar mut lơh Pơrjum bơto pơlam broă lơh gah nội chính Đảng. Pơrjum geh lơh tus ngai 25/4 do mờ bơta tus bal bơh mờr 500 nă kuang bàng bơh ală Ban Nội chính tỉnh ủy, thành ủy tàm gùt lơgar.

Ală kuang bàng geh bơto pơlam ală chài lơh broă kuơ màng bè broă lơh nội chính, rơcang sơndră sa kuề sa kùa; broă lơh sền sơwì, sền gròi tàm gah nội chính; rơcang sơndră sa kuề sa kùa mờ lơh niam wơl tư pháp; kơnòl broă lơh niam wơl tư pháp; bè lam lơh kơnòl bơh Ban nội chính tỉnh ủy, thành ủy mờ ờ uă tơngume kuơ màng ndai.