VOV4.K’ho - Di tơnkah 76 nam Kăc màng nhai 8 (19/08) mờ sơn tờm dà lơgar ngai 2 nhai 9 (1945-2021), drim òr (31/08), Viện Hồ Chí Minh mờ ală kuang đơng lam Đảng (Học viện Chính trị dà lơgar Hồ Chí Minh) pơgồp bal mờ Tiah tềl kah yau Chủ tịch Hồ Chí Minh tàm Gơlang Chủ tịch bơyai lơh pơrjum cri bơyai khoa học jăt broă lơh pờ tơlik tàm internet mờ tơngu me: “Chủ tịch Hồ Chí Minh mờ kơ̆p kờñ lơngăp lơngai is-khăt gơboh is-gơboh gơbài”.

Jơh rài kis, Chủ tịch Hồ Chí Minh neh lơh ngan, ờ ngòt glar bòl tài ală jơnau kờñ, bơta kuơ dờng màng bơh dà lơgar bal mờ kòn bơnus, tàm hơ̆ kuơ màng là jơnau kơ̆p kờñ lơngăp lơngai is, khăt gơboh is, gơboh gơbài. Tàm pơrjum cri bơyai, Phó Giáo sư, Tiến sỹ Lê Văn Lợi, Phó Kuang atbồ Học viện Chính trị Dà lơgar Hồ Chí Minh đơs tờm, tŭ do, gùt đảng, gùt làng bol, gùt ling klàng gam lơh ngan lơh jăt Nghị quyết pơrjum dờng dơ̆ 13 bơh Đảng, chồl pràn dơ̆ lam sồr bơsram, lơh jăt ơnà jăk, nùs nhơm mờ broă lơh Hồ Chí Minh dê, lơh jăt ală broă lơh pràn ngan nàng kơrian, tam dră mờ kòp Covid-19, sền gàr bơta pràn kơl dang să làng bol in.

Cau mblàng Ndong Brawl