VOV4.K’ho- Drim òr (09/11), tàm Hà Nội, Ban Kinh tế Dà lơgar bơyai lơh pơrjum jăt tơngu me “Kơlôi sơnơng mờ broă tìp bal pa bè broă bơ̆t bơtàu pa tus nam 2030 mờ wèt tus nam 2045”.

Pơrjum cri bơyai tơrgùm mblàng, tam pà bal bè ală broă tàm bơta bal mờ ală broă lơh dờng bơh broă bơ̆t bơtàu pa tàm dunia mờ tàm tiah do, bơh tŭ hơ̆ geh ai tơngŏ mờ ai geh ală bồ tơngoh kơlôi sơnơng mờ broă tìp bal pa bè broă bơ̆t bơtàu pa, bơsram công nghệ, broă lơh sa mờ măi mŏk tàm dunia, jơnau bơsram broă mờng chài ai lơgar Việt Nam in kung bè ală broă lơh mờng chài dunia bè broă mŭt lơh broă mờ tam gơl pa bơceh lơh geh ai gŏ broă gơguh tơnơ̆ mờ kòp Covid-19; tơrgùm jơnau yal tơnguh bơtàu broă lơh sa mờ măi mŏk nam 2020 mờ ală jơnau mblàng, broă bơto pơlam ai lơgar Việt Nam in, tàm hơ̆ uă ngan là tàm gah lơh sa mờ măi mŏk lơh gơs phan, lơh mờ broă pơgồp bal bơta pràn nàng tơnguh cồng nha ai broă lơh sa, chồl pràn broă bơ̆t bơtàu pa Dà lơgar in.

Cau mblàng Ndong Brawl