VOV4.K’ho - Drim òr (25/11), tàm Hà Nội, Mpồl duh broă Lý luận Dà lơgar bơyai lơh pơrjum cri bơyai khoa học geh tơngu me “Bơ̆t bơtàu, lơh gơs Dà lơgar gơnoar adăt boh lam xã hội chủ nghĩa Việt Nam: Bơta mùl màl mờ ală broă geh ai tơlik”.

Giáo sư-Tiến sĩ ồng Nguyễn Xuân Thắng, Ủy viên Bộ Chính trị, Chủ tịch Mpồl duh broă Lý luận Dà lơgar, Kuang atbồ Học viện Chính trị dà lơgar Hồ Chí Minh tus mờ đơng lam pơrjum cri bơyai. Tàm pơrjum cri bơyai, bơh uă broă lơh krơi is, uă jơnau đơs bơh cau khoa học, cau atbồ, cau jăk chài geh pơnrơ ngan gah lơh broă bè gah bơ̆t bơtàu dà lơgar gơnoar adăt boh lam tơrgùm cri bơyai ală mpồl broă bè: lơh loh nùs nhơm, bơta geh is tờm bơh dà lơgar gơnoar adăt boh lam xã hội chủ nghĩa Việt Nam bơh làng bol, geh làng bol, tài làng bol; lơh loh broă gơrềng bal đah Dà lơgar gơnoar adăt boh lam xã hội chủ nghĩa Việt Nam mờ gơnoar tờm bơh làng bol, lơh loh gơnoar Đảng đơng lam, Dà lơgar atbồ, Làng bol lơh tờm nàng lơh loh gơnoar bơh Dà lơgar gơnoar adăt boh lam...

Cau mblàng Ndong Brawl