VOV4.K’ho - Drim òr (25/08), Bộ Quốc phòng pơgồp bal mờ Ban Tuyên giáo Dà lơgar, Văn phòng Chính phủ mờ Tỉnh ủy Quảng Bình bơyai lơh pờ tơlik tàm internet pơrjum cri bơyai khoa học cấp Dà lơgar tơnkah 110 nam tờm Ngai deh Đại tướng Võ Nguyên Giáp.

Pơrjum khoa học cấp dà lơgar bè Đại tướng Võ Nguyên Giáp tàm anih pờ tơlik tàm càr Quảng Bình

Pơrjum cri bơyai geh tơngu me “Đại tướng, Kuang đơng lam Võ Nguyên Giáo – Dùl nă cau jăk chài ling klàng, cau đơng lam jăk chài kăc màng Việt Nam dê”. Đơs tàm dơ̆ đơng lam pơrjum pờ tơlik tàm internet geh anih pờ bơh Bộ Quốc phòng tàm Hà Nội, Đại tướng Phan Văn Giang, Ủy viên Bộ Chính trị, Bộ trưởng Bộ Quốc phòng đơs tờm: “Pơrjum cri bơyai là dùl tàm ală broă lơh dờng, geh tơngu me tờm, geh kuơ màng mùl màl tàm ală broă lơh di tơnkah tờm 110 nam Ngai deh Đại tướng Võ Nguyên Giáp. Ală jơnau đơs mờ jơnau yal tàm pơrjum pơgồp bal tàm broă bơtơl ală jơnau tơngit, sră nggal nàng ai gŏ nền nòn rài kis, broă lơh kăc màng jăk chài, uă bơta bơh Đại tướng Võ Nguyên Giáp dê; pơn jờng mờ ưn ngài ală broă neh lơh dờng màng jăk chài bơh Đại tướng dê gơwèt mờ broă kăc màng bơh Đảng mờ dà lơgar. Pơgồp bal tàm broă tơnguh nùs nhơm pin dờn bơh làng bol gơwèt mờ broă tam gơl pa dà lơgar geh Đảng dà lơgar he lam lơh mờ đơng lam.

Cau mblàng Ndong Brawl