VOV4.K’ho - Drim òr (09/12), tàm Hà Nội, Phòng Thương mại mờ Kông nghiệp Việt Nam pơgồp bal mờ Hội đồng Mpồl lơh sa kă bro tài broă tơnguh bơtàu kơl jăp Việt Nam bơyai lơh yal Mpồl lơh sa kă bro kơl jăp tàm lơgar Việt Nam.

Phó Thủ tướng ồng Vũ Đức Đam, Củ tịc Hội đồng Dà lơgar bè tơnguh bơtàu kơl jăp mờ tơnguh uă bơta pràn tàm pơrlòng, kuang đơng lam ală Bộ, gah lơh broă dà lơgar, kuang đơng lam ală mpồl lơh broă dunia tàm lơgar Việt Nam tus bal. Mờ tơngu me “Wèt tus jơ̆t nam tơnguh bơtàu kơl jăp niam bơnĕ rơlao: “ờ lời cau lơi gơtìp sơbì hờ tơnơ̆”, ală kuang bàng tơrgùm cri bơyai bè broă lơh bal mờ rơndăp broă gơguh, jŏ jòng dà lơgar bè gơguh tơlir tơngai bơh nam 2021 tus 2030, lơh jăt mùl màl jơh jăt jơnau kờñ dơ̆ lĕ bal broă tơnguh mhar mờ kơl jăp tàm jơ̆t nam pa. Đơs tàm pơrjum, Phó Thủ tướng ồng Vũ Đức Đam kơ̆p kờñ, ală mpồl lơh sa kă bro pơn jăt tai lơh jăt bal ală broă tam gơl, bŭ lah là dềt ngan tài broă tơnguh bơtàu kơl jăp. Phó Thủ tướng ồng Vũ Đức Đam đơs tờm: tàm bơta kòp Kovid-19, tàm lơgar Việt Nam kung bè ală lơgar pà gŏ tơl nă làng bol, tơl mpồl lơh sa kă bro geh tềm pềr, geh prăp gàr, geh gơs bơta pràn dong kờl gơtùi gơdờp bal tàm tơnơ̆ do.

Cau mblàng Ndong Brawl