VOV4.K’ho - Ngai òr (06/08), geh bơyai lơh pơrjum cri bơyai pờ tàm internet cri bơyai yal tơngĭt jơnau mờ broă lơh mờng chài bơh Đảng Cộng sản lơgar Việt Nam mờ Đảng Cộng sản lơgar Chile.

Ồng Lê Hoài Trung, Ủy viên Đảng Dà lơgar, Kuang atbồ Mpồl lơh broă mờ lơgar ndai Đảng Dà lơgar he mờ ồng Claudio de Negri, Bí thư Đảng Dà lơgar, Kuang atbồ Mpồl lơh broă mờ lơgar ndai Đảng Cộng sản lơgar Chile neh đơng lam bal dơ̆ pơrjum. Tàm pơrjum, ồng Lê Hoài Trung đơs tờm, Đảng Cộng sản lơgar Việt Nam sùm sền kuơ, kơ̆p kờñ chồl pràn mờ lơh niam rơlao tai broă tam klăc, gĭt gơ̆p ờs mờng niam bơnĕ mờ Đảng Cộng sản lơgar Chile. Tàm pơrjum cri bơyai, ală kuang bàng bơh bàr đảng neh yal ală jơnau bè broă mờng chài bè broă bơ̆t bơtàu đảng, lơh jăt broă làng bol lơh tờm; broă mờng chài tàm broă tơnguh bơtàu lơh sa mpồl bơtiàn mờ tơrgùm bal mờ dunia tàm rài tŭ do; ai geh ală broă lơh mùl màl nàng chồl pràn rơlao tai bơta gĭt gơ̆p lơh broă bal bơh bàr đảng, bàr dà lơgar tàm tơngai tus.

Cau mblàng Ndong Brawl