VOV4.K’ho- Tàm Hìu lơh broă Quốc hội, Chủ tịch Quốc hội ồng Vương Đình Huệ mờ chủ tịch Quốc hội lơgar Lào ồng Xay-xổm-phon Phôm-vi-hản neh đơng lam bal dơ̆ pơrjum cribơyai mờng chài lơh broă đah Quốc hội Việt Nam mờ Quốc hội Lào. Pơrjum là broă lơh lam lơh ngan ngồn ală broă lơh lơh broă bal, cribơyai mờng chài đah 2 Quốc hội tàm gah crơng gơs adat boh lam, gròi sền, lơh nền ală broă kuơmàng bơh dà lơgar dê. Tàm tơngai lơh broă pa do, Quốc hội 2 lơgar neh bơyai lơh 8 pơrjum tơngume, tàm hơ̆ geh 4 pơrjum bơh Chủ tịch Quốc hội 2 lơgar đơng lam bal.

Chủ tịch Quốc hội ồng Vương Đình Huệ đơs là, bơh ală pơrjum, Quốc hội 2 lơgar neh tam pà uă mờng chài kuơmàng tàm ală gah broă lơh. Tàm pơn jat tai ală cồng nha do, pơrjum cribơyai mờng chài lơh broă đah Quốc hội Việt Nam mờ Quốc hội Lào tơrgùm cribơyai bè Broă lơh lùp mờ hơ jơnau lùp tàm pơrjum Quốc hội Việt Nam mờ mờng chài bơh Quốc hội Việt Nam dê tàm broă sền sơ wì, lơh nền ală rơndap broă lơh kuơmàng dà lơgar geh kuơ gơ wèt tus mờ bơtàu tơnguh lơh sa- mpồl bơtiàn bơh dà lơgar dê.

Cau mblàng K’Duẩn