VOV4.K’ho- Tơngkah 100 nam Ngai deh ƀồc ồng Lê Quang Đạo (08/8), drim do (07/8), Học viện Chính trị dà lơgar Hồ Chí Minh pơgồp bal mờ Ban Tuyên giáo dà lơgar, Văn phòng Quốc hội mờ Tỉnh ủy Bắc Ninh bơyai lơh pơrjum cribơyai khoa học kấp dà lơgar mờ tơngume “Ồng Lê Quang Đạo mờ kăc màng Việt Nam mờ ƀòn lơgar tờm Bắc Ninh”.

Rài kis mờ broă lơh bơh ƀồc ồng Lê Quang Đạo dê gơ jat bal mờ ală bơta tam gơl dờng màng mờ jrô ơnàng bơh dà lơgar tàm rlau 60 nam lồi dŭt bơh rài 20 dê. Ăt uă gơnoar broă kuơ màng, bulah ơm tàm khat dùl gơnoar broă lơi, tàm bơta rài kis lơi, ồng sùm jơh nùs jơh tồr, ai jơh bơta pràn mờ broă lơh, lơh sir jak ngan kơnòl broă geh jàu. Mờ gơnoar broă là Chủ tịch Quốc hội, ồng neh pơgồp bơnah uă ngan ai gùng dà broă lơh tam gơl pa bơh Đảng dê tàm broă tam gơl pa broă lơh bơh Quốc hội, ngan là broă lơh pràn broă lơh cih gơs Sơnoa boh lam mờ Adat boh lam nàng gơlik gơs lơh ngan ngồn ală Nghị quyết bơh Đảng dê, lơh geh jơnau kờñ atbồ dà lơgar mờ adat boh lam dê.

Cau mblàng K’Hạnh