VOV4.K’ho - Pơrjum Ban Chấp hành Đảng dà lơgar dơ\ 7 kơna\ XII neh tơnjơh ngai do (12/5) tàm Hà Nội. Tàm ala\ ngai lơh geh pơrjum,  ua\ broa\ dờng  neh geh dà lơgar cri bơyai, geh Broa\ lơh ‘’Lơh ngan lơh geh mpồl  cau kuang ala\ kấp, ngan la kấp  kuơ màng tơl pràn, tơl jak mờ  tơl bơnga\, drờm mờ broa\ lơh’’, broa\ lơh lơh niam wơl pria\ nhai tus mờ  cau kuang, công chức, viên chức,  cau ling  geh phào crong mờ cau lơh broa\  tàm mpồl lơh sa ka\ bro’’, broa\ lơh ‘’Lơh niam chính sách bảo hiểm xã  hội’’.

Dơ\ pơrjum neh song dơpa\ sơndio loh ngan ala\ bơta gam ờ  pràn tàm broa\ lơh cau kuang,  geh đơs  sền wơl cau kuang kờ` pal lơh jat  ua\ gah, sùm, kờ` geh broa\ lơh sền gròi cau atbồ nàng sơndra\ broa\ ntoat gơnoar,  kơnòl broa\. Pơrjum kung neh  cri bơyai song dơpa\ mờ nùs nhơm jơnhua ngan bè ala\ broa\,  broa\ lơh nàng mut lơh kràn, tơl làm  broa\ lơh  pria\ nhai, tàm hơ\ geh kah tus ala\ bơta cau lơh broa\ nàng mut lơh. Jàu pria\ nhai kat bơnga\ broa\ lơh,  gơnoar broa\ mờ at gơnoar, di pal mờ  bơta geh ngan pràn bơh dà lơgar, gàr tơl di pal  mờ pria\ nhai  tàm drà ka\ bro.. pơgồp bal kuơ màng mut lơh jat gơguh jak mờ drờ bal mpồl bơtìan, tơngguh khà niam  gơguh. Ala\ cau kuang neh mblàng ua\ ngan broa\ lơh geh lơh niam chính sách bảo hiểm xã hội, ngan la tàm broa\ gơ hòi, pờ ơnàng  cau blơi bảo hiểm xã hội, kung bè broa\ gàr tơl  broa\ ngui dơ\ kơljap kes pria\ bảo hiểm.

                                    Cau mblàng K’ Brọp