VOV4.K’ho- Drim òr 22/1, Mpồl đơng lam Dà lơgar bè rơcang sơndră sa kuề sa kùa pơrjum dơ\ 13, bơh bơta đơng lam bơh ồng Nguyễn Phú Trọng, Tổng Bí Đảng dà lơgar dê sền wơl broă lơh nam 2017 mờ yal kơnòl broă nam 2018.

Yal tàm dơ\ pơrjum pà gi\t, nam lài, Mpồl đơng lam Dà lơgar bè rơcang sơndră sa kuề sa kùa pơn jat tai tam gơl pa, tơrgùm tàm ală kơnòl broă tờm kuơmàng, tơnguh jơnhoa cồng nha lơh broă; jơh ală broă geh lơh jat niam, lơh gơs jat broă rơndăp lơh, geh broă sơrlèt rlau mờ jơnau sồr.

Tàm nam 2018, Mpồl đơng lam Dà lơgar pơn jat tai đơng lam lơh gơs gùng dà broă lơh kơrnoat boh lam bè atbồ lơh sa- mpồl bơtiàn mờ rơcang sơndră sa kuề sa kùa, lơh geh bơnàng jă chính trị, adat boh lam dùl ròt bal ai broă lơh rơcang sơndră sa kuề sa kùa in, ngan ală broă bè lơh gơs gùng dà broă lơh kơrnoat boh lam rơcang sơndră sa kuề sa kùa jat broă rơndăp lơh sồ 07 bơh Bộ Chính trị dê lơh jat Nghị quyết dà lơgar 6, adat rơcang sơndră sa kuề sa kùa (tam gơl), Adat yal yă (tam gơl) mờ ală sră nggal bơto pơlam lơh jat nàng bơsong ală bơta ờ pràn jak, gơtìp kal ke tàm broă lơh rơcang sơndră sa kuề sa kùa.

Sồr pơn jat tai sơlơ lơh tai broă lòt sền, lùp sền, kiểm toán, ngan là ală broă geh pơneh uă bè jơnau ờ niam, sa kuề sa kùa, pơhì pơhà, mhar pơndu\t lùp sền, lơh glài krà` broă lơh tìs dilah geh gơ wèt mờ ală rơndăp broă lơh lời gơlik bơta hoàc hươr, hoàc hươr jo\ jòng, mpồl bơtiàn sền gròi uă.

Cau cih mờ yal tơngi\t- Lơ Mu K’Yến