VOV4.K’ho – Tàm Hà Nội, Mpồl đơng lam lơh niam wơl adat boh lam dà lơgar bơyai lơh pơrjum dơ\ 4 ai jơnau đơs bè :Rơndap cih jơnau yal cồng nha tơn jơh broă lơh lơh niam wơl adat boh lam nam 2017, kơnòl broă lơh niam wơl adat boh lam nam 2018; jơnau yal bơh Đảng đoàn Mpồl cau chài cah rơ`a Việt Nam bè “Cồng nha lơh broă bal mờ Broă lơh bơtàu tơnguh Liên hợp quốc tàm lơgar Việt Nam” bè kờp sền khà ringbal adat boh lam mờ rơndap broă bơt bơtàu khà adat boh lam; jơnau yal bơh Anih cah rơ`a jơnhua ngan rlau jơh dà lơgar dê bè broă: Tam gơl pa mờ sơlơ tơnguh rlau tai broă tơr`a bơyai, cribơyai tàm broă bơsong ală tìs dân sự, hành chính.

Tàm dơ\ pơrjum, uă ngan kuang geh jơng tàm Mpồl đơng lam ndrờm đơs là, ală sră nggal neh geh rơcang lài tơl niam mờ nền nòn ngan. Đơng lam dơ\ pơrjum, Chủ tịch lơgar, ồng Trần Đại Quang đơs niam ală kấp uỷ, mpồl Đảng geh gơ rềng tàm dà lơgar neh đơng lam lơh ală kơnòl broă geh jàu di mờ jơnau sồr bơh Đảng, jơnau cih bơh adat boh lam dà lơgar dê. Chủ tịch lơgar kung đơs loh, broă đơng lam bồ lơh ală kơnòl broă lơh niam wơl adat boh lam kung gam ờ uă bơta ờ niam. Chủ tịch lơgar sồr Mpồl đơng lam mờ ală kấp uỷ, mpồl Đảng geh gơ rềng gơwèt dà lơgar kờ` pal pơn jat tai pơlam lơh jat di nùs nhơm, rơndap broă, kơ nòl broă lơh niam wơl adat boh lam bơh Đảng dê.

                  Cau cih mờ yal tơnggit K’Duẩn