VOV4.K’ho- Mờ tơngume “Sơlơ tơnguh git gơp lơh broă bal nghị viện tài bơtàu tơnguh kơ̆ kơljap mờ sơndră mờ tung lơtang kòp Covid-19 tàm tiah 3 mum bơtàu tơnguh Campuchia- Lào- Việt Nam”, drim ngai 23/9, Pơrjum dơ̆ 8 Ủy ban lơh broă mờ lơgar ndai Quốc hội 3 lơgar Campuchia-Lào-Việt Nam bè tiah 3 mum bơtàu tơnguh bơh Quốc hội Campuchia bơyai lơh jat broă lơh pờ tơn tàm internet. Mpồl kuang bàng Ủy ban lơh broă mờ lơgar ndai bơh Quốc hội Việt Nam dê bơh ồng Vũ Hải Hà, Kuang atbồ Ủy ban lơh Kuang atbồ mpồl tus bal pơrjum.

Pơrjum là broă lơh lơh broă bal kuơmàng ngan nàng kờñ tam pà mờng chài mờ bơsong ală bơta lòng kờñ pơn jờng, dong kờl 3 Chính phủ bơt bơtàu dùl tiah 3 mum bơtàu tơnguh pas sơm rlau, kuơmàng là bơtàu tơnguh wơl tơnơ̆ ală gơ rềng tài bơh kòp Covid-19 lơh gơbàn gơ wèt tus mờ ală rài lơh sa mờ broă lơh sa bơh làng bol tàm tiah do dê, mờ kung bơtàu tơnguh bè ờs wơl tàm tơngai ờ jŏ.

Cau mblàng K’Duẩn