VOV4.K’ho - Ngai do (20/07), pơrjum dơ̆ sơnrờp Quốc hội khoă 15 sơn đờm lơh tàm hìu Quốc hội. Tàm rơlao 11 ngai lơh broă, Quốc hội ai 3 ngai lơh broă kuang bàng tŭ bơyai lơh tĕ khà, kĭ pồ tơl kuang bàng ală groăt đơng lam bơh ală anih lơh broă Dà lơgar, tàm hơ̆ geh Chủ tịch lơgar, Thủ tướng Chính phủ mờ Chủ tịch Quốc hội; sền wơl, cri bơyai ală jơnau yal bè lơh sa mpồl bơtiàn mờ tơlĭk kơrnoăt ờ uă broă kuơ màng ndai.

                                                Sơn đờm pơrjum dơ̆ sơnrờp Quốc hội khoă 15

Jăt broă lơh, ƀùi drim tơnơ̆ mờ tŭ Chủ tịch Quốc hội khoă 14 ồng Vương Đình Huệ đơs jơnau sơn đờm pơrjum, Tổng Bí thư ồng Nguyễn Phú Trọng geh jơnau đơs kuơ màng. Tơnơ̆ mờ hơ̆, Quốc hội pơrjum is nàng sền wơl broă kuang bàng, pờ tê ring bal Nghị quyết bè khà Phó Chủ tịch Quốc hội, khà Ủy viên Ủy ban Thường vụ Quốc hội khoă pa. Ƀùi mho, ală kuang bàng geh đùh sră pồ Chủ tịch Quốc hội. Jăt kơrnoăt geh ai, Chủ tịch Quốc hội pa geh pồ geh yal jơnau guh dờp at gơnoar broă mờ Dà lơgar, mờ làng bol, mờ sơnoah boh lam. Tơnơ̆ mờ hơ̆, Quốc hội geh bơyai lơh pồ 4 Phó Chủ tịch Quốc hội mờ 12 Ủy viên Ủy ban Thường vụ Quốc hội.

Cau mblàng Ndong Brawl