VOV4.K’ho- Tàm 2 ngai bơh ngai 06 mờ ngai 07/10, tàm ƀòn dờng Kon Tum geh bơyai lơh Pơrjum dờng cau ala mat Cau ùr càr Kon Tum dơ̆ 14, tơngai lơh broă bơh nam 2021-2026 mờ bơta tus bal bơh 182 nă cau ala mat rlau 115 rơbô nă cau tàm mpồl cau ùr gùt càr dê.

Mò  Bùi Thị Hòa, Phó Chủ tịch Mpồl tam klăc cau ùr dà lơgar Việt Nam pà Pơrjum dờng in sră wăc sềr rùp cèng sèng akhar “Tam klăc bal- kòn bơnus ngăc ngar jak chài- Bơceh pa- Bơtàu tơnguh”

Pờ tê ring bal Nghị quyết pơrjum dờng

Tơngai lơh broă pa do, Mpồl tam klăc cau ùr càr Kon Tum neh sùm tam gơl pa tơngume, gùng dà lơh broă lơh geh uă cồng nha tàm ală srơh tàm pơrlòng... Ală kấp Hội tàm càr kung geh uă broă lơh niam lơh geh cồng nha geh kuơ ngan, bè broă bơt bơtàu 24 “Ƀòn cau ùr làng bol jơi bơtiàn kòn cau ƀòn lơgar pa”, lơh pa, lơh niam wơl 65 nơm hìu ram mhŭ kờñ gơboh ai 65 hìu bơnhă cau tàm mpồl in, cau ùr geh rài kis kal ke uă mờ kờp jơh khà priă rlau 2 tơmàn đong; crơng gơs 60 broă lơh Hợp tác xã mờ rlau 1 rơbô nă cau tàm mpồl....

Pơrjum dờng ala mat cau ùr càr Kon Tum dơ̆ 14, tơngai lơh broă bơh nam  2021-2026 neh pồ 33 nă kuang bàng mut tàm Ban Chấp hành tơngai lơh broă pa. Mò Y Phương geh pồ wơl tai at gơnoar broă Chủ tịch Mpồl tam klăc cau ùr càr Kon Tum tơngai lơh broă bơh nam 2021-2026.

Cau mblàng K’Hạnh