VOV4.K’ho- Drim òr 26/10, Đoàn ơruh pơnu càr Gialai mu\t pơrjum cau ala mat Đoàn ơruh pơnu càr dơ\ 14, tơngai lơh broă bơh nam 2017- 2022 mờ bơta tus bal bơh 248 nă kuang bàng ala mat ai mờr 83 rbô nă đoàn viên ơruh pơnu jơh gùt càr in.

Dơ\ pơrjum Đoàn ơruh pơnu càr Gialai

5 nam do, ală srơh, broă lơh lam lài, lơh broă dong kờl is bơh đoàn ơruh pơnu càr Gialai dê geh lơh làm uă mờ geh cồng nha. Ơruh pơnu tàm jơh gùt càr neh hòi jà tă pơgồp geh rlau 30 tơmàn priă nàng lơh mờr 2300 broă, bơnah broă geh kuơ ngan ngồn; Lơh pa mờ lơh niam wơl 200 nơm hìu, lơh pa mờ lơh niam wơl mờr 700 kơi sồ gùng lòt, 630 kơi sồ rbòng dà, tam pa rlau 70 rbô tờm chi; kham kòp mờ pà sơnơm ờ sa priă ai mờr 22 rbô nă làng bol in; Bơyai lơh bơto broă lơh ai rlau 100 rbô nă ơruh pơnu in; dan mờ ngân hàng ai pơgăp 17 rbô hìu bơnhă ơruh pơnu in càn priă ờ sa priă cồng uă bal mờ kờp jơh priă càn tus tu\ do là mờr 500 tơmàn.

Mờ rlau 46 rbô nă đoàn viên, ơruh pơnu tàm càr kung neh cih mat dan lòt pà mhàm dong kờl is, bơh hơ\ lơh geh pơgăp 37 rbô kơldung mhàm pràn.

Cau cih mờ yal tơngi\t- Lơ Mu K’Yến