VOV4.K’ho- Ngai òr, 12/12, tàm Trung tâm pơrjum dà lơgar, Hà Nội, neh geh lơh Pơrjum dờng kuang bàng gùt lơgar Hội nông dân Việt Nam dơ\ 7, tơngai lơh broă bơh nam 2018-2023.

Đơs tàm dơ\ Pơrjum, Tổng Bí thư, Chủ tịch lơgar ồng Nguyễn Phú Trọng đơs loh: lòt gan 88 nam crơng gơs mờ bơtàu tơnguh, Hội nông dân Việt Nam neh sùm dờng pràn, geh ală bơta tă pơgồp di pal tàm broă lơh kac màng lơgar he dê.

Hội nông dân Việt Nam là r[àng tơrbo\ bơta pin dờn đah Đảng, Dà lơgar mờ rơnàng làng bol cau lơh broă sa; là bơnàng jă Chính trị mờ mpồl bơtìan, ala mat ai gơnoar mờ bơta kuơ di mờ adat boh lam ai cau lơh broă sa in, geh uă bơta cribơyai bal; jơnau dan mờ gùng dà broă lơh, chính sách bơtàu tơnguh lơh sa suơn sre, bơt bơtàu rơnàng cau lơh broă sa mờ bơt bơtàu [òn lơgar; lơh ngan tus bal gròi sền, lùp jơnau mpồl bơtìan; tus bal pơgồp jơnau đơs bơt bơtàu Đảng, bơt bơtàu gơnoar at bồ.

Tổng Bí thư, Chủ tịch lơgar sồr, ală kấp ủy, mpồl Đảng, gơnoar atbồ, Mặt trận dà lơgar mờ ală mpồl chính trị - mpồl bơtìan ală kấp kờ` pal lơh nền uă ngan, tơnguh bơta g^t wă, kơnòl broă, tơrgùm ală mpồl cau lơh broă ai bơtàu tơnguh lơh sa suơn sre, bơt bơtàu bòn lơgar, lơh niam wơl rài kis cau lơh broă sa in, lơh geh tơl bơta buơn rlau tai nàng ală kấp Hội nông dân Việt Nam in lơh broă geh cồng nha.

Cau mblàng K’ Hạnh