VOV4.K’ho - Drim òr (09/1), tàm hìu lơh broă Chính phủ geh bơyai lơh dơ\ pơrjum mpồl đơng lam ală broă lơh khoa học mờ công nghệ dà lơgar. Phó Thủ tướng ồng Vũ Đức Đam đơng lam pơrjum.

Broă chồl pràn ngui khoa học công nghệ tàm broă tơnguh bơtàu lơh sa mpồl bơtiàn, ală broă lơh jăt khà broă dà lơgar neh tơrgùm lơh jăt ală mpồl kơnòl di jăt broă tơnguh broă pơgồp bal, dong kờl bal, tơnguh khà geh kuơ bơh ală bơta phan tòm dà lơgar dê.

Tus tu\ do, 3 broă lơh neh hòi jà geh rơlao 150 mpồl lơh broă geh bơta pràn tus bal mờ ală kơnòl, tàm hơ\ geh 59% khà mpồl lơh broă đơng lam tơn là ală anih lơh sa kă bro.

Geh uă kơnòl geh lơh jăt broă anih lơh sa kă bro đơng lam pơgồp bal mờ ală anih lơh broă kơlôi sơnơng, hìu bơsram đại học, ală cau jăk chài lơh broă công nghệ kờ` tơnguh bơtàu phan lơh broă tềng đăp mờ broă dong kờl bơh dà lơgar. Broă pơgồp bal do neh pơgồp bal tàm broă chồl pràn broă bơceh pa tàm ală anih lơh sa kă bro, tơnguh bơtàu công nghệ tàm rài kis lơh sa mpồl bơtiàn mùl màl.

Mơya, gơwèt mờ broă tơnguh bơtàu ală bơta phan dà lơgar, Bộ Kế hoạch mờ Đầu tư đơs là, pal geh broă pơgồp bal mờ anih lơh sa kă bro.

Cau mblàng Ndong Brawl