VOV4.K’ho-  Drim òr (17/10) tàm Hà Nội, Ban Nội chính dà lơgar pơgồp bal mờ Broă lơh bơtàu tơnguh Liên hợp quốc tàm Việt Nam bơyai lơh pơrjum “gàr niam bơta ring bal đah Adat rcang sơn dră sa kuề sa kùa mờ ală adat geh gơrềng tàm ròt adat boh lam Việt Nam dê”, nàng kờ` ai jơnau đơs bơh ală kuang bàng jak chài mờ rơndap cih adat Rcang sơn dră sa kuề sa kùa ( tam gơl) nàng yal Quốc hội khoá 14 in, ai jơnau đơs mờ digơlan geh ring bal tàm pơrjum dơ\ 6 mờr tus do.

Jat jơnau mblàng yal bơh ală kuang bàng tus bal pơrjum, ală adat boh lam ndai cih bè broă lơh sa kuề sa kùa, tàm hơ\ geh: Adat Kuang bàng công chức, Adat Viên chức mờ Bộ Luật hình sự.  Pơn drờm mờ ală adat do, Adat rcang sơn dră sa kuề, sa kùa pal geh sền là adat krơi is bè sa kuề sa kùa. Nàng gàr niam broă ring bal lơh glài broă lơh tìs sa kuề sa kùa, pal ai tàm Adat boh lam ală jơnau cih tơn bè broă lơh glài mờ lơh glài kup jàm.

Cau mblàng K’ Hạnh