VOV4.K’ho- Mho òr 5/7, ồng Nguyễn Xuân Phúc, Thủ tướng Chính phủ tus bal Pơrjum gùt lơgar bè bơtàu tơnguh kơ\ kơl jăp nam 2018. Mờ tơngume “Tơnguh uă pràn jak tàm pơrlòng, lơh jat ngan ngồn ală jơnau kờ` bơtàu tơnguh kơ\ kơl jăp tàm tu\ tơngai kăc mạng công nghiệp 4.0”, Pơrjum geh bơta tus bal bơh pơgăp 600 nă kuang bàng ala mat ală bộ, ban, gah lơh broă, ală mpồl dunia, ală đại sứ quán, ală kuang bàng mờng chài kơlôi sơnơng bal mờ uă ngan ală mpồl lơh sa kă bro.

Ală kuang bàng tàm yal tơngi\t bal bè bơta mờng chài, jơnau gi\t wa\ bè bơtàu tơnguh kơ\ kơl jăp, kung bè ală broă bơceh lơh mờ bơta geh ngan niam bè lơh sa kă bro kơ\ kơl jăp; ală gùng dà broă lơh bơ\t bơtàu mờ sơlơ tơnguh tai bơta gi\t gơ\p lơh broă bal đah Chính phủ, mpồl lơh sa kă bro, ală mpồl lơh broă mpồl bơtiàn wèt tus broă lơh geh cồng nha jơnau kờ` bơtàu tơnguh kơ\ kơl jăp tàm Việt Nam.

Pơrjum kung geh cribơyai mờ yal ală jơnau đơs bè pơlam gùng, broă rơndăp lơh, broă lơh mờ broă bơceh lơh pơnrơ mờ Chính phủ Việt Nam, ală bộ, gah lơh broă, ală tiah mờ ală mpồl dunia dê gam lơh kờ` lơh niam wơl tiah lơh sa kă bro, tơnguh uă pràn jak tàm pơrlòng dà lơgar wèt tus jơnau kờ` bơtàu tơnguh kơ\ kơl jăp.

Cau mblàng Lơ Mu K’Yến