VOV4.K’ho- Drim do 8/1, tàm Hà Nội geh lơh Pơrjum gùt lơgar lơh jat broă lơh sền gàr mờ bơsong ală broă lơh tìs kơrnoat boh lam nam 2019 bơh Bộ Tư pháp bơyai lơh. Pơrjum nàng kờ` sền jơh wơl broă lơh sền gàr mờ bơsong ală broă lơh tìs kơrnoat boh lam nam 2018 mờ lam lơh jat kơnòl broă tờm mờ gùng dà broă lơh lơh jat broă lơh sền gàr mờ bơsong ală broă lơh tìs kơrnoat boh lam nam 2019 pal lơh di ală broă lơh, broă rơndăp lơh broă, ală Nghị quyết, jơnau sồr bơh Đảng, Quốc hội mờ Chính phủ dê.

Tàm dơ\ pơrjum geh uă jơnau yal pal sền ngac ngan bè gùng dà broă lơh tơnguh uă cồng nha broă lơh sền swì, bơsong sră nggal gơrềng tus kơrnoat boh lam mờ bơsong bơta geh ngan ai ngui sră nggal tìs mờ kơrnoat boh lam; broă lơh jat Quyết định bơh Thủ tướng Chính phủ dê bè Rơndăp broă lơh kơlôi sơnơng jak chài tam gơl pa, tơnguh uă cồng nha broă lơh lam lơh jat kơrnoat boh lam tơngai bơh nam 2018- 2022 mờ ală jơnau dan, jơnau sồr; bàr pe broă kờ` pal sền ngac bơh broă lơh lùp sền, lòt sền ală gah broă lơh broă gơ wèt broă atbồ bơh bộ, mờ gah lơh broă sền gàr mờ bơsong ală broă lơh tìs kơrnoat boh lam.

Cau mblàng Lơ Mu K’Yến