VOV4.K’ho - Đơs tàm pơrjum geh pờ tơlĭk tàm internet gùt lơgar bơh Thủ tướng Chính phủ mờ ala măt ală mpồl lơh sa kă bro, mpồl tam klăc mpồl lơh sa kă bro mờ ală càr, ƀòn dờng bè broă bơsong kal ke, chồl pràn broă lơh sa kă bro bơh mpồl lơh sa kă bro tàm bơta kòp Covid-19.

Thủ tướng ồng Phạm Minh Chính đơs tờm, do là dùl bơta tơlòng dờng ngan, mơya pin dờn là mpồl cau lơh sa kă bro geh sơrlèt mờ kòp Covid-19, mờ gam lơh geh khà măt kă bro is să tờm dê tai, bal mờ broă tơnguh uă bơta kuơ niam bơnĕ ngan bơh cau kă bro dê là: nùs nhơm - jăk chài - ngăc ngar - pin dờn. Pơrjum do là dơ̆ nàng Chính phủ, Thủ tướng Chính phủ iăt nùs nhơm, jơnau kơ̆p kờñ, jơnau dan bơh mpồl bơtiàn lơh sa kă bro, ală mpồl tam klăc, ală càr, ƀòn dờng, anih lơh broă, mpồl lơh broă, jòi geh ală broă bơsong mùl màl, geh cồng nha tàm bơta jal mhar tŭ do.

Cau mblàng Ndong Brawl