VOV4.K’ho- Tàm Hà Nội, Ƀan Tuyên giáo dà lơgar bơyai lơh Pơrjum gùt lơgar pờ tơlik tơn tàm internet tơn jơh broă lơh yal tơnggit jơnau lơh broă mờ lơgar ndai; mblàng yal dà lềng, bồt dà lềng; tàm đal tiah nhàr, tồt jrong mờ atbồ tiah nhàr lơgar nam 2021, lam lơh kơnòl broă nam 2022. Ƀí thư Đảng dà lơgar, kwang atbồ Ƀan Tuyên giáo dà lơgar ồng Nguyễn Trọng Nghĩa đơng lam pơrjum.

Đơs pơn dut tàm pơrjum, ồng Nguyễn Trọng Nghĩa đơs nền gơnoar broă ngai sơlơ kuơmàng bơh yal tơnggit jơnau lơh broă mờ lơgar ndai, mblàng yal bè dà lềng, bồt dà lềng dê. Mờ kung pà git, tŭ do Việt Nam ơm dơ̆ 3 dunia tàm broă cit sơnơm vaccine mhar ngan rlau jơh, tàm cồng nha niam ngan do geh bơta tă pơgồp bơh broă lơh yal tơnggit jơnau lơh broă mờ lơgar ndai. Mờ tơl broă lơh pal geh chồl pràn yal tơnggit jơnau mblàng yal nàng dunia in git bè Việt Nam, pin dờn tàm Việt Nam, lơh gơlik tai bơngă pin dờn mờ rùp hin bơh Việt Nam dê tàm muh mat dunia. Bè kơnòl broă tàm nam 2022, ồng Nguyễn Trọng Nghĩa đơs nền, yal tơnggit jơnau lơh broă mờ lơgar ndai pơn jat tai lam lơh jat nùs nhơm Bác Hồ dê: tam gơl pa mơya kung gam pal cèng bơta niam chài jơi bơtiàn.

Cau mblàng K’Duẩn