VOV4.K’ho - Pơrjum gùt lơgar tơn jơh broă pơrlòng, pơn jờng nam 2018, lơh jăt kơnòl nam 2019 geh bơyai lơh ngai òr.

Nam pa do, broă pơrlòng, pơn jờng neh geh tam gơl uă, ală broă pơrlòng geh Thủ tướng Chính phủ lam sồr mùl màl là bơta tòm, broă lơh tòm bơh ală bộ, gah lơh broă, ală càr, [òn dờng geh ală làng bol tus bal.

Bơta niam broă pơn jờng geh tơnguh. Thủ tướng Chính phủ, Chủ tịch lơgar pơn jờng ai mờr 56 rơbô nă cau, tàm hơ\ pơn jờng cồng nha lơh jăt kơnòl tơnguh bơtàu lơh sa mpồl bơtiàn rơlao 15 rơbô nă.

Tàm pơrjum, ală kuang bàng neh song dơ pă đơs tus mờ ală broă lơh gam ờ niam, ờ pràn tàm broă pơrlòng pơn jờng bè, geh tiah gam lơh gời, ờ hềt mùl màl ai geh bơta pràn broă lơh jăt kơnòl. Broă sền gròi broă pơrlòng ờ hềt geh sền kuơ…

Jơnau đơs pơn du\t pơrjum, Phó Thủ tướng Thường trực Chính phủ ồng Trương Hoà Bình sồr mpồl duh broă pơrlòng, pơn jờng Dà lơgar, ală Bộ, gah lơh broă, ală càr, [òn dờng pal lam sồr broă pơrlòng kuơ màng, lơh mhar, lơh ngan lơh gơs cồng nha Nghị quyết pơrjum gùt lơgar dơ\ 12 bơh Đảng dê.

Cau mblàng Ndong Brawl